كل فرگه صعبه اتصير انساها وتهون بس فرگتك تيزاب ينزل بالعيون
مخلوقه هاي ألناس بلقدره من طين ورب ألعرش سواك ممشمش وتين
ليش التحبه الروح قطره بحر صار. لو گايل مبطلين كل هذا ماصار
من تنخى عد عيناك بس حشم بصوت__ الموت اذا اتعناك اذبحلك الموت
دق قلبي ست دقات ونقلب هزاز نقالي هم شيطان يعرفكم اعزاز
اتونس علشفاك لوحركتهن انسة اشتريد ادگول وانسة الگلتهن
اخدر بعد مترات لمن احس جاي هيه المصيبه اشلون من تگعد وياي
البصره لوتنباع كلها اشتريها
وأدفع ثمنها الروح جي أنت _بيها
بروح احس اتعيش يالنبعك الدر ترتجف كل اعضاي من اسمك يمر
عطشان اظل عطشان وروه على شوفك بطرانه هاي الناس يردوني اعوفك
من كثر مامشتاق ورايدلي جيه وگفت الامريكان حسبالي كيه.
لاتظن حي وأنساك وأنسى الليالي* جثتي على التابوت وأنته على بالي
سلم و لو بالعين تكفي الأشارة
روحي أبتلت بهواك سويلي جارة
فز ونگسم نصين گلبي أعله طاريك جم نص تظنه يصير لمن يلاگيك
لاتضن مثل الناس بس تبعدانساك صح انته عني ابعيدبس روحي وياك احبك
من عيني مدري شطاح لا دم
ولا ماي..
ثاري سواد العين من فرگة
اهواي...
حرموني نوم الليل يردوني أنساك__ خافوا أنام الليل وبحلمي الگاااااااك)
رغم البعد ياصاح شخصك حضنته.احجي ويه روحي اليوم حسبالي انته
روحي شكثر تهواك وشگد تهم بيگــك سعفه ويهزهه الريح من يمر طاريگــك
عيونك سجن ياصاح سجنني بسكوت واتمنى ماكو افراج كلش لماموت
لااگدر اوصل ليك لاگدر انساك__ مدري الزمان شلون ورطني وياك
لوتبني عشرأقصور سافي آنه اعله أبكلبك نهر عطشان وبكلبي دجله
لودج عليك ألريش ليغرك جناح
گبلك صكر ويحوم ماقاوم وطاح
مخلص تظل لدوم هذا انت طبعك غصبا على الشمات انت ارقى ربعك
الشحن عندي هواي والتغطية فول ليش من اتصل بيك يطلعلي مشغول
آه العسل بشفاك لو يوصل شفاي
أسبوع اضل بالصيف مااشرب الماي
ظلمة وحظرتجوال والبطة تفتر
كل هذا واتعناك يالمعدنك در
كون انقلب سنتات وادخل رصيدك كلماتدوس ارقام تلمسني ايدك
متعجب ابدنياك عندك موبايل انصنع للأنسان مو للزمايل
مساهر واعد نجوم واحسب ليالي نايم حبيب الروح ما دره بحالي الك يالعذبتني
مني أخذ شتريد وشماردت هاك.منك طمع مااريد بس اكعد وياك. مشتاقين.
هم منجلك مكسور وتكلي حاصود
وتريداصدك بيك جاهيه فرهود
عطشان اظل عطشان وروه على شوفك بطرانه هاي الناس يردوني اعوفك
تعطش تريد الماي نوك وترد ليش
أذكرت عباس من حاوطه الجيش
نتفارك انه اوياك بس بالهياكل
صدكني روحي اوياك تشرب وتاكل
بعيوني شفت الموت من رحت عني
ومن غيبتك لليوم ما ظحك سني
صدكني ابيع الروح بس كون اشوفك!! صرت انت ماي العين وتريداعوفك
مخلص أصيل و وفي هذا أنته طبعك"
وغصبن على العذال أنته أرقى ربعك"
كون المرض ماذيك ود من ليه
ننطرح فرد فراش ون ون سويه
كل همي ابدنياي تدري انته همي ؟ وصح تبتعد مرات بس انته يمي ؟
باليل افز فزات وبجي اعلى حالي
كله بسبب فركاك شكد انته غالي......
اتطشر الفركاك وبشوفك التم
شتتصور انه انساك ولقيرك اهتم
كون أنكلب تمثال لاحس ولا شوف
من أسمع بعباس وبطاري الجفوف
هاك أخذ هاي الروح وأزرعهه سكته
ولوخضرت فد يوم تخضر أنته*شو رايكم
المزاج