يا صاحبي صاحبك ضايق ومهموم ***** عزّي لحالي كيف راح ونساني
وانا اللي اذكره دايم الدوم **** ما غاب زوله عن خيالي ثواني
يا صاحبي سهران ولا جاني النوم**** فكري مع اللي ساكنن في المحاني
ودي اشوفه واشتاق له كل يوم ***** يا ليتني جاره وبيته وزاني
خاويته ثمان سنين والقلب مغموم **** وببقى احبه لين ربي ايهداني
يا صاحبي ما اقدر اعاتب ولا لوم **** اخاف افقد اللي حبه كواني
اشكي لك الحال وانته قوي عزوم *** والحل تكفى يا صحيبي عشاني
ا لرد
يا صاحبي شكلك من الحب مصدوم ****ونسيت لا تربط حزام الاماني
واليوم صرتو من هوا الحب مسقوم **** ولقيت غير اللي توقعت ثاني
ناضر حبيبك ما يبي شوفك اليوم *****يا اللي عشان المقفّي تعاني
الحل من تغلا مالك به لزوم **** مالك ومال اللي يهد المباني
رح ثم عطه شريط لأم كلثوم **** وقل هاذي نهايت حبيبن جفاني
واصبحت من حبه انا اليوم محروم **** من عقب ما قفّى مكاني مكاني
وفرقاه عذبنّي وعيفنّي النوم **** هاذي جروحي في توالي زماني
وسلامتكم...
