اجرحني وفارقني ترا احسن لي وأحسن لك ..

أبوصلك وأنا جمبك ولاني قادرأوصلك
غريبة كيف نتلاقى وأناوياك مفترقين

أنا صابر ع بعضك لكن منتظر كلك
حسافة ضعت في بعضك ولا أدري بس اجيك منين

أجيك يمين رحت يسار اجيك يسار وماأدلك
أضيعك بين لحظاتي ولحظاتي تضيعك بين

حنانك صوتك وطيفك ولابعدهم يجي ظلك
وأنا من ظلك أقرب لك تخيل صارلك ظلين

غرامك درس في عمري وتهت كثير أنا بحلك
ولا أدري منهجك يكفي اذابدرسة عشر سنين

تبي شاعر تبي مطرب تبي ألحان الحن لك
أنا راضي الحن لك أغاني قلبك المسكين

لأنك مختلف جدا"... ومافي من البشر مثلك
شقارن فيك ويا الناس ..انت وين وهما وين

واذا ترضى على ذلي..أنالايمكن أذلك
واذا أنت صرت ابو وجهين اناماني ابو وجهين

مؤدب..محترم نفسي..قبل تذكرني قايلك
ترا يا (فلان) لاتحاول معي تلعب على الحبلين

انا ماني مثل غيري تعذبني وأصفقلك
تبي تواجهني واجهني وسن بسن وعين بعين

اجرحني وفارقني ترا احسن لي وأحسن لك
خلني عاد لا تقرب وحتى اذابيننا شبرين

زائر

تسلمين